Ábyrgðartryggingu er ætlað að mæta skaðabótakröfum sem geta fallið á þig sem atvinnurekanda eða fyrirtækið þitt ef aðrir verða fyrir tjóni vegna starfseminnar, en starfsábyrgðartryggingar bæta sérstaklega tjón sem hlýst af mistökum eða vanrækslu við framkvæmd umsaminnar þjónustu, sem veitt er af sérfræðingum í tilteknum fagstéttum.
Ábyrgðartryggingu er ætlað að mæta skaðabótakröfum sem geta fallið á þig, sem atvinnurekanda eða fyrirtækið þitt, ef aðrir verða fyrir tjóni vegna starfseminnar. Þetta geta bæði verið tjón á eignum og líkamstjón og er oft um háar fjárhæðir að tefla.
Tryggingin er gjarnan nefnd frjáls ábyrgðartrygging þar sem ekki er skylt að kaupa hana samkvæmt lögum.
Fólk sem leitar til sérfræðinga væntir þess að sú þjónusta sé veitt af fagmennsku. Verði sérfræðingi á mistök við vinnu sína eða hann vanrækir skyldur sínar getur hann orðið skaðabótaskyldur vegna fjártjóns sem viðskiptavinir hans verða fyrir af þeim sökum. Tjón af þessu tagi getur fengist bætt úr starfsábyrgðartryggingum. Starfsábyrgðartryggingar bæta hins vegar ekki skaða sem felst í því að vinnan sé gölluð eða væntingar viðskiptavinar til árangurs þjónustunnar séu ekki uppfylltar. Þær taka heldur ekki til ábyrgðar sem er önnur eða víðtækari en leiðir af almennum reglum um ábyrgð viðkomandi fagstéttar.
Í flestum tilvikum þarf starfsábyrgðartryggingin að vera í gildi á þeim tímapunkti þegar tilkynning um kröfu kemur fram og tekur hún þá til tjóns af völdum mistaka eða gáleysis sem einnig átti sér stað á gildistíma tryggingarinnar. Þess vegna er mikilvægt að hugað sé að áframhaldandi tryggingavernd eftir starfslok.
Starfsábyrgðartryggingar eru fyrst og fremst ætlaðar sérfræðingum og fagstéttum sem bjóða sérhæfða þjónustu sem byggir á tiltekinni fagmenntun og/eða opinberri leyfisveitingu.
Ein algengasta starfsábyrgðartryggingin sem við seljum er Starfsábyrgðartrygging byggingastjóra og er hægt að sækja um hana rafrænt hér.