Starfsábyrgðartrygging byggingarstjóra
Byggingarstjórar þurfa starfsábyrgðartryggingu sem bætir tjón sem þeir kunna að valda í starfi sínu.
Tryggingin byggir á atvikareglu, sem þýðir að tjónsatburður þarf að hafa átt sér stað á tryggingatímabilinu, en ekki skiptir máli hvort tryggingin sé enn í gildi þegar bótakrafan er gerð.
Upplýsingar um trygginguna
Hvers konar trygging er þetta?
Starfsábyrgðartrygging byggingarstjóra bætir fjártjón viðskiptavina eða annars þriðja aðila, sem byggingarstjóri ber skaðabótaábyrgð á vegna mistaka við veitingu sérfræðiþjónustu. Samkvæmt mannvirkjalögum nr. 160/2010 er byggingastjórum skylt að hafa starfsábyrgðartryggingu og er hún skilyrði fyrir starfsleyfi þeirra.
Hvað er tryggt? | Hvað er ekki tryggt? |
|---|---|
| Tryggingin greiðir bætur vegna: | Tryggingin greiðir ekki bætur vegna: |
Skaðabótaskyldu vegna mistaka eða vanrækslu byggingarstjóra á gildistíma tryggingarinnar. | Ábyrgðar sem er víðtækari en bótaskylda byggingarstjóra samkvæmt lögum. |
Sekta eða annarra viðurlaga. |
Eru einhverjar takmarkanir á því sem tryggingin nær yfir?
Tryggingin greiðir ekki bætur vegna líkamstjóna eða skemmda á munum.
Hvar gildir tryggingin?
Tryggingin gildir á Íslandi.
Hvaða skyldur hef ég?
Þú þarft að tilkynna tjón eins fljótt og kostur er og ekki síðar en innan árs frá tjónsdegi.
Þú þarft að sjá til þess að allar upplýsingar á vátryggingarskírteininu séu réttar.
Þú þarft að tilkynna okkur um breytingar á heimilisfangi, símanúmeri og netfangi.
Þér ber að fara eftir varúðarreglum í skilmálum.
Hvenær og hvernig greiði ég iðgjaldið?
Iðgjaldið á að greiða á gjalddaga. Við útgáfu eða endurnýjun tryggingarinnar stofnast rafræn krafa í netbanka. Þú átt kost á að dreifa greiðslum iðgjaldsins með:
Boðgreiðslu, þar sem iðgjaldið er skuldfært mánaðarlega af kredit- eða debetkorti.
Beingreiðslu, þar sem skuldfært er mánaðarlega af bankareikningi.
Fyrirtækjadreifingu, þar sem hægt er að greiða iðgjöld með mánaðarlegum greiðslum.
Hvenær tekur tryggingin gildi og hvenær lýkur henni?
Tryggingin tekur gildi frá samþykkt tilboðs og endurnýjast árlega þar til henni er sagt upp.
Hvernig segi ég tryggingunni upp?
Einstaklingar og fyrirtæki með færri en fimm stöðugildi geta sagt tryggingum upp hvenær sem er og falla þær þá niður í lok þarnæsta mánaðar frá því uppsögnin berst. Önnur fyrirtæki geta sagt tryggingum upp með mánaðarfyrirvara fyrir lok tryggingatímabilsins.
Uppsögn þarf að vera skrifleg, t.d. með rafrænni undirskrift.
Sjóvá ber að upplýsa stjórnvöld eða eftirlitsaðila um niðurfellingu lögboðinna starfsábyrgðartrygginga, enda eru þær skilyrði fyrir starfsleyfi viðkomandi starfsstéttar.