Ef þú þarft að slysatryggja þig sérstaklega, til dæmis í vinnu eða frítíma, getur almenn slysatrygging hentað þér. Þetta á til dæmis við um þau sem stunda keppnisíþróttir eða ýmiskonar frístundaiðju sem fylgir sérstök áhætta, eins og fallhlífastökk.
Önnur eru almennt með góða vernd í slysatryggingu í frítíma, sem er innifalin í Fjölskylduvernd 2 og 3.
Slysatrygging greiðir bætur fyrir tímabundnar og varanlegrar afleiðingar slysa. Tryggingin er samsett og þú getur valið þá sem henta þér og þínum aðstæðum.
Hvað er tryggt? | Hvað er ekki tryggt? |
|---|---|
| Tryggingin greiðir bætur vegna: | Tryggingin greiðir ekki bætur vegna: |
Andláts af völdum slyss. | Slysa sem verða í þátttöku í áflogum eða refsiverðum verknaði. |
Tímabundinnar óvinnufærni af völdum slyss. | Slysa sem orsakast af neyslu ávana- og fíkniefnum. |
Varanlegrar læknisfræðilegrar örorku af völdum slyss. |
Slysatrygging bætir ekki slys sem beint eða óbeint orsakast af sjúkdómum.
Tryggingin gildir hvar sem er í heiminum.
Þú þarft að tilkynna tjón eins fljótt og kostur er og ekki síðar en innan árs frá tjónsdegi.
Þú þarft að sjá til þess að allar upplýsingar á vátryggingarskírteininu séu réttar.
Þú þarft að tilkynna okkur um breytingar á heimilisfangi, símanúmeri og netfangi.
Þér ber að fara eftir varúðarreglum í skilmálum.
Iðgjaldið á að greiða á gjalddaga. Við útgáfu eða endurnýjun tryggingarinnar stofnast rafræn krafa í netbanka. Þú átt kost á að dreifa greiðslum iðgjaldsins með:
Boðgreiðslu, þar sem iðgjaldið er skuldfært mánaðarlega af kredit- eða debetkorti.
Beingreiðslu, þar sem skuldfært er mánaðarlega af bankareikningi.
Fyrirtækjadreifingu, þar sem hægt er að greiða iðgjöld með mánaðarlegum greiðslum.
Tryggingin tekur gildi við móttöku fullbúinnar umsóknar frá þér að því gefnu að hún verði samþykkt. Með skriflegri umsókn er líka átt við þegar sótt er um rafrænt.
Einstaklingar og fyrirtæki með færri en fimm stöðugildi geta sagt tryggingum upp hvenær sem er og falla þær þá niður í lok þarnæsta mánaðar frá því uppsögnin berst. Önnur fyrirtæki geta sagt tryggingum upp með mánaðarfyrirvara fyrir lok tryggingatímabilsins.
Uppsögn þarf að vera skrifleg, t.d. með rafrænni undirskrift.