Húseigendatrygging
Í húseigendatryggingu höfum við sett saman nokkrar tryggingar fyrir húsaeigendur sem vernda þá fyrir öllum algengustu tjónum sem verða á húsnæði.
Brunatrygging á húseign er þó ekki innifalin þar sem eiganda húseignar ber skylda til að kaupa hana sérstaklega.
Upplýsingar um trygginguna
Hvers konar trygging er þetta?
Húseigendatrygging er samsett úr 8 tryggingum og bætir hún helstu tjón sem geta orðið á atvinnuhúsnæði. Hún er tekin til viðbótar við brunatryggingu húseigna.
Hvað er tryggt? | Hvað er ekki tryggt? |
|---|---|
| Vatnstjónstrygging bætir: | Vatnstjónstrygging bætir ekki: |
Skemmdir af völdum vatns sem lekur skyndilega úr vatnsleiðslum innan veggja hússins. | Skemmdir af völdum vatns sem á upptök sín utan veggja hússins. |
Skemmdir af völdum vatns sem flæðir úr hreinlætistækjum vegna mistaka eða skyndilegrar bilunar. | Skemmdir af völdum vatns sem þrýstist upp úr skolp- eða frárennslislögnum. |
Skemmdir af völdum leka úr ísskápum og frystikistum. | |
| Fok- og óveðurstrygging bætir: | Fok- og óveðurstrygging bætir ekki: |
Skemmdir á fasteigninni af völdum óveðurs þegar vindhraði nær 28,5 metrum á sekúndu eða meira. | Tjón á lausamunum utanhúss. |
Tjón af völdum sandfoks. | |
| Snjóþungatrygging bætir: | Snjóþungatrygging bætir ekki: |
Skemmdir á fasteigninni ef snjór sligar þak eða veggi hennar. | Tjón af völdum snjóflóða. |
Tjón sem er afleiðing byggingagalla eða ófullnægjandi viðhalds. | |
| Innbrotstrygging bætir: | Innbrotstrygging bætir ekki: |
Skemmdir á fasteigninni í kjölfar innbrots. | Húsaleigu fyrir lengri tíma en 6 mánuði eftir hvern vátryggingaratburð. |
| Húsaleigutrygging bætir: | Glertrygging bætir ekki: |
Húsaleigu sem vátryggður tapar eða verður að greiða ef flytja þarf úr húsnæði vegna tjóns. | Tjón á skrautgleri og glerlistaverkum. |
Tjón ef glerið rispast eða flísast upp úr því. | |
Tjón á völdum móðu á milli glerja. | |
| Glertrygging bætir: | Sótfallstrygging bætir ekki: |
Skemmdir á ísettu gleri í fast- eign ef það brotnar. | Tjón sem fást bætt úr brunatryggingu húseignarinnar. |
| Sótfallstrygging bætir: | Ábyrgðartrygging húseigenda bætir ekki: |
Skemmdir á húseign vegna skyndilegs og óvænts sótfalls frá kynditækjum eða eldstæðum. | Tjón á munum sem hinn tryggði hefur að láni, til leigu eða eru af öðrum ástæðum í vörslu hans. |
| Ábyrgðartrygging húseigenda bætir: | |
Tjón sem húseigandi er gerður ábyrgur fyrir samkvæmt skaðabótalögum, til dæmis ef gestkomandi slasast vegna ófullnægjandi frágangs. |
Eru einhverjar takmarkanir á því sem tryggingin nær yfir?
Tryggingin bætir ekki tjón af völdum náttúruhamfara eða tjón sem orsakast af stríði, hryðjuverkum, mengun eða viðlíka atburðum.
Hvar gildir tryggingin?
Tryggingin gildir á þeim stað sem er tilgreindur í vátryggingarskírteini.
Hvaða skyldur hef ég?
Þú þarft að sjá til þess að allar upplýsingar á vátryggingarskírteininu séu réttar.
Þú þarft að tilkynna okkur um breytingar á heimilisfangi, símanúmeri og netfangi.
Þér er skylt að fara eftir varúðarreglum í skilmálum, t.d. þeirri að þér beri að hreinsa frá niðurföllum við húseignir svo snjór, klaki eða óhreinindi stífli þau ekki.
Hvenær og hvernig greiði ég iðgjaldið?
Iðgjaldið á að greiða á gjalddaga. Við útgáfu eða endurnýjun tryggingarinnar stofnast rafræn krafa í netbanka. Þú getur dreift greiðslum með:
Boðgreiðslu, þar sem iðgjaldið er skuldfært mánaðarlega af kredit- eða debetkorti.
Beingreiðslu, þar sem skuldfært er mánaðarlega af bankareikningi.
Fyrirtækjadreifingu þar sem hægt er að greiða iðgjöld með mánaðarlegum greiðslum.
Hvenær tekur tryggingin gildi og hvenær lýkur henni?
Tryggingin tekur gildi frá samþykkt tilboðs og endurnýjast árlega þar til henni er sagt upp.
Hvernig segi ég tryggingunni upp?
Einstaklingar og fyrirtæki með færri en fimm stöðugildi geta sagt tryggingum upp hvenær sem er og falla þær þá niður í lok þarnæsta mánaðar frá því uppsögnin berst. Önnur fyrirtæki geta sagt tryggingum upp með mánaðarfyrirvara fyrir lok tryggingatímabilsins.
Uppsögn þarf að vera skrifleg, t.d. með rafrænni undirskrift.