Sumarhúsatrygging
Það getur verið dýrt ef sumarhúsið verður fyrir tjóni. Þar leynast of mikil verðmæti og eins geta tjón orðið stór þegar langur tími líður til dæmis á milli heimsókna.
Með sumarhúsatryggingu tryggir þú sumarhúsið fyrir helstu tjónum sem geta orðið á húsinu sjálfu og innbúi þess.
Spurt og svarað
Upplýsingar um trygginguna
Hvers konar trygging er þetta?
Sumarhúsatrygging er samsett úr níu tryggingum og bætir hún helstu tjón sem verða á sumarhúsi og innbúi þess. Tryggingin er tekin til viðbótar við brunatryggingu húseigna sem skylt er að kaupa samkvæmt lögum.
Hvað er tryggt? | Hvað er ekki tryggt? |
|---|---|
| Brunatrygging bætir tjón á innbúi vegna: | Brunatrygging bætir ekki: |
Bruna, eldsvoða og sprengingar. | Tjón vegna sviðnunar eða bráðnunar sem telst ekki vera eldsvoði. |
Skyndilegs sótfalls frá kynditækjum hússins. | Tjón á rafmagnstækjum vegna skammhlaups. |
| Innbrotstrygging greiðir bætur vegna: | Innbrotstrygging bætir ekki: |
Skemmda á húsinu í kjölfar innbrots | Tjón á innbúi sem geymt er utandyra. |
Þjófnaðar og skemmda á innbúi í kjölfar innbrots. | Tjón vegna þjófnaðar sem framinn er af einhverjum hinna tryggðu. |
| Brot- og hrunstrygging greiðir bætur vegna: | Brot- og hrunstrygging bætir ekki: |
Tjóns á innbúi vegna þess að innbúsmunir detta skyndilega og óvænt niður og brotna. | Rispur eða aðrar skemmdir sem teljast ekki vera brot. |
Tjón á fasttengdum hreinlætistækjum vegna skyndilegs utanaðkomandi atburðar. | Skemmdir sem verða ef kvarnast eða flísast úr borðplötu. |
| Vatnstjónstrygging bætir tjón á vegna: | Vatnstjónstrygging bætir ekki: |
Skyndilegs og óvænts leka úr vatnsleiðslum, hitakerfum og frárennslisleiðslum sem eiga upptök sín innan veggja hússins. | Skemmdir af völdum vatns sem á upptök sín utan veggja hússins (sjá þó Skýfalls- og asa- hlákutryggingu). |
Leka úr frystikistum, kæliskápum, vatnsrúmum og fiskabúrum. | Tjón vegna myglu- eða sveppagróðurs. |
| Skýfalls- og asahlákutrygging bætir tjón vegna: | Skýfalls- og asahlákutrygging bætir ekki: |
Skemmda af völdum jarðvegsvatns sem flæðir inn í húsið í kjölfar skyndilegs úrhellis eða asahláku. | Tjón vegna utanaðkomandi vatns frá svölum, þakrennum eða frárennslisleiðslum þeirra. |
| Fok- og óveðurstrygging greiðir bætur vegna: | Fok- og óveðurstrygging bætir ekki: |
Skemmda af völdum ofsaveðurs þegar vindhraði nær 28,5 metrum á sekúndu eða meira. | Tjón á lausamunum utanhúss. |
Tjón af völdum sandfoks. | |
| Frostsprungutrygging greiðir bætur vegna: | Frostsprungutrygging bætir ekki: |
Tjóns á vatnsleiðslukerfi innanhúss vegna frostsprungna ef hitakerfi hússins bilar skyndilega. | Tjón á snjóbræðslukerfum. |
| Glertrygging greiðir bætur vegna: | Glertrygging bætir ekki: |
Skemmda á venjulegu rúðugleri í sumarhúsinu ef það brotnar. | Brot á rúðum sem ekki eru ísettar og komnar á endanlegan stað. |
Tjón ef glerið rispast eða flísast upp úr því. | |
Tjón af völdum móðu á milli glerja. | |
| Ábyrgðartrygging húseigna greiðir bætur vegna: | Ábyrgðartrygging húseigenda bætir ekki: |
Tjóns sem eigandi sumarhússins er gerður ábyrgður fyrir samkvæmt skaðabótalögum, til dæmis ef gestkomandi slasast vegna ófullnægjandi frágangs. | Tjón á munum sem eigandi sumarhúss hefur að láni, til leigu eða í vörslu sinni af öðrum ástæðum. |
Eru einhverjar takmarkanir á því sem tryggingin nær yfir?
Tryggingin greiðir ekki tjón af völdum náttúruhamfara eða sem orsakast af stríði, hryðjuverkum, mengun eða sambærilegum atburðum.
Hvar gildir tryggingin?
Tryggingin gildir á Íslandi.
Hvaða skyldur hef ég?
Þú þarft að tilkynna tjón eins fljótt og kostur er og ekki síðar en innan árs frá tjónsdegi.
Þú þarft að sjá til þess að allar upplýsingar á vátryggingarskírteininu séu réttar.
Þú þarft að tilkynna okkur um breytingar á heimilisfangi, símanúmeri og netfangi.
Þér er skylt að fara eftir varúðarreglum í skilmálum, t.d. að lokað sé fyrir vatnsaðstreymi í óupphituðu húsi og að lagnir og viðtengd tæki séu tæmd þegar hætta er á frosti.
Hvenær og hvernig greiði ég iðgjaldið?
Iðgjaldið á að greiða á gjalddaga. Við útgáfu eða endurnýjun tryggingarinnar stofnast rafræn krafa í netbanka. Þú getur dreift greiðslum með:
Boðgreiðslu, þar sem iðgjaldið er skuldfært mánaðarlega af kredit- eða debetkorti.
Beingreiðslu, þar sem skuldfært er mánaðarlega af bankareikningi.
Fyrirtækjadreifingu, þar sem hægt er að greiða iðgjöld með mánaðarlegum greiðslum.
Hvenær tekur tryggingin gildi og hvenær lýkur henni?
Tryggingin tekur gildi frá samþykkt tilboðs og endurnýjast árlega þar til henni er sagt upp.
Hvernig segi ég tryggingunni upp?
Einstaklingar og fyrirtæki með færri en fimm stöðugildi geta sagt tryggingum upp hvenær sem er og falla þær þá niður í lok þarnæsta mánaðar frá því uppsögnin berst. Önnur fyrirtæki geta sagt tryggingum upp með mánaðarfyrirvara fyrir lok tryggingatímabilsins.
Uppsögn þarf að vera skrifleg, t.d. með rafrænni undirskrift.