Reiðhjólatrygging bætir tjón á reiðhjólum og fylgihlutum þeirra.
Hvað er tryggt? | Hvað er ekki tryggt? |
|---|---|
| Tryggingin greiðir bætur vegna: | Tryggingin bætir ekki: |
Tjóna af völdum skyndilegra, utanaðkomandi orsaka. | Tjón sem leiðir af eðlilegri notkun hjólsins. |
Þjófnaðar. | Tjón sem framleiðandi eða seljandi ber ábyrgð á. |
Tryggingin bætir ekki tjón af völdum náttúruhamfara.
Tryggingin gildir hvar sem er í heiminum.
Þú þarft að tilkynna tjón eins fljótt og kostur er og ekki síðar en innan árs frá tjónsdegi.
Þú þarft að sjá til þess að allar upplýsingar á vátryggingarskírteininu séu réttar.
Þú þarft að tilkynna okkur um breytingar á heimilisfangi, símanúmeri og netfangi.
Þér ber að fara eftir varúðarreglum í skilmálum, t.d. þeirri að læsa reiðhjólinu tryggilega við fastan hlut þegar gengið er frá því.
Iðgjaldið á að greiða á gjalddaga. Við útgáfu eða endurnýjun tryggingarinnar stofnast rafræn krafa í netbanka. Þú átt kost á að dreifa greiðslum iðgjaldsins með:
Boðgreiðslu, þar sem iðgjaldið er skuldfært mánaðarlega af kredit- eða debetkorti.
Beingreiðslu, þar sem skuldfært er mánaðarlega af bankareikningi.
Fyrirtækjadreifingu, þar sem hægt er að greiða iðgjöld með mánaðarlegum greiðslum.
Tryggingin tekur gildi frá samþykkt tilboðs og endurnýjast árlega þar til henni er sagt upp.
Einstaklingar og fyrirtæki með færri en fimm stöðugildi geta sagt tryggingum upp hvenær sem er og falla þær þá niður í lok þarnæsta mánaðar frá því uppsögnin berst. Önnur fyrirtæki geta sagt tryggingum upp með mánaðarfyrirvara fyrir lok tryggingatímabilsins.
Uppsögn þarf að vera skrifleg, t.d. með rafrænni undirskrift.