Slysatrygging launþega
Þeir sem hafa fólk í vinnu eru, samkvæmt kjarasamningum, skyldugir að slysatryggja starfsmenn sína. Þess vegna bjóðum við slysatryggingu launþega.
Kosturinn við hana er sá að hún lagar sig að ákvæðum mismunandi kjarasamninga þannig að fyrirtæki í ólíkri starfsemi geta keypt þá útgáfu af henni sem þeim ber.
Upplýsingar um trygginguna
Hvers konar trygging er þetta?
Slysatrygging launþega greiðir bætur á grundvelli kjarasamninga vegna slysa sem launþegi verður fyrir við störf og á leið milli heimilis og vinnustaðar. Sumir kjarasamningar kveða á um að tryggingin gildi líka í frítíma.
Hvað er tryggt? | Hvað er ekki tryggt? |
|---|---|
| Tryggingin greiðir bætur vegna: | Tryggingin greiðir ekki bætur vegna: |
Dauða af völdum slyss. | Slysa sem verða í þátttöku í áflogum. |
Tímabundinnar óvinnufærni af völdum slyss. | Slysa sem orsakast af neyslu ávana- og fíkniefna. |
Eru einhverjar takmarkanir á því sem tryggingin nær yfir?
Slysatrygging bætir ekki slys sem orsakast beint eða óbeint af sjúkdómum.
Hvar gildir tryggingin?
Tryggingin gildir hvar sem er í heiminum.
Hvaða skyldur hef ég?
Þú þarft að tilkynna tjón eins fljótt og kostur er og ekki síðar en innan árs frá tjónsdegi.
Þú þarft að sjá til þess að allar upplýsingar á vátryggingarskírteininu séu réttar.
Þú þarft að tilkynna okkur um breytingar á heimilisfangi, símanúmeri og netfangi.
Þér ber að fara eftir varúðarreglum í skilmálum.
Hvenær og hvernig greiði ég iðgjaldið?
Iðgjaldið á að greiða á gjalddaga. Við útgáfu eða endurnýjun tryggingarinnar stofnast rafræn krafa í netbanka. Þú átt kost á að dreifa greiðslum iðgjaldsins með:
Boðgreiðslu, þar sem iðgjaldið er skuldfært mánaðarlega af kredit- eða debetkorti.
Beingreiðslu, þar sem skuldfært er mánaðarlega af bankareikningi.
Fyrirtækjadreifingu, þar sem hægt er að greiða iðgjöld með mánaðarlegum greiðslum.
Hvenær tekur tryggingin gildi og hvenær lýkur henni?
Tryggingin tekur gildi frá samþykkt tilboðs og endurnýjast árlega þar til henni er sagt upp.
Hvernig segi ég tryggingunni upp?
Einstaklingar og fyrirtæki með færri en fimm stöðugildi geta sagt tryggingum upp hvenær sem er og falla þær þá niður í lok þarnæsta mánaðar frá því uppsögnin berst. Önnur fyrirtæki geta sagt tryggingum upp með mánaðarfyrirvara fyrir lok tryggingatímabilsins.
Uppsögn þarf að vera skrifleg, t.d. með rafrænni undirskrift.