Eignatrygging bætir tjón á lausafé af völdum bruna, vatns, innbrots eða foks.
Eignatrygging lausafjár bætir tjón á lausafjármunum, sem skilgreindir eru sem hreyfanlegir hlutir. Með öðrum orðum er lausaféð allt annað en naglfastir hlutir og er þar af leiðandi ekki innifalið í brunabótamati fasteignarinnar sem starfsemin fer fram í.
Þú sem kaupandi tryggingarinnar sundurliðar hvaða lausafé þú ætlar að tryggja, verðmæti þess að nývirði og hvar það er staðsett.
Til viðbótar er hægt að bæta við:
Innbrotsþjófnað
Skemmdir á fasteign
Rán
Þjófnað úr sýningarskápum og sjálfsölum
Vinsamlega athugið að upptalningin hér að ofan er ekki tæmandi, en nánari upplýsingar er að finna í skilmála tryggingarinnar.
Eignatrygging er ein af grundvallartryggingum fyrirtækja. Sem dæmi um aðrar mikilvægar tryggingar má nefna brunatryggingu fasteignar, húseigendatryggingu, rekstrarstöðvunartryggingu, ábyrgðartryggingu atvinnurekstrar og samningsbundna slysatryggingu launþega.
Lausafjármunir eða lausafé eru vörur líkt og hráefni, hálfunnar vörur og fullunnar, svo og umbúðir, húsmunir, innréttingar, vélar og annar rekstrarbúnaður til dæmis verkfæri og áhöld. Einnig ökutæki sem ekki eru skráningarskyld samkvæmt umferðarlögum.
Nývirði er sú fjárhæð sem þurft hefði til kaupa á hlutum þeim, sem eyðilögðust eða skemmdust, með því verðlagi sem síðast var á slíkum hlutum áður en tjónið bar að höndum, án frádráttar vegna aldurs og notkunar en að frádreginni hæfilegri fjárhæð vegna verðrýrnunar sökum minnkaðs notagildis eða annarra atvika.
