Eignatrygging lausafjár
Eignatrygging lausafjár tryggir vélar, tæki og áhöld gegn helstu tjónum með brunatryggingu, vatnstjóns- og fokstryggingu, auk valkvæðrar innbrotstryggingar.
Upplýsingar um trygginguna
Hvers konar trygging er þetta?
Eignatrygging lausafjár er samsett trygging sem tryggir lausafé í atvinnurekstri, s.s. vélar, áhöld og tæki, fyrir helstu tjónum. Hún samanstendur af brunatryggingu auk vatnstjóns- og fokstryggingar sem og innbrotstryggingar, sem eru valkvæðar.
Hvað er tryggt? | Hvað er ekki tryggt? |
|---|---|
| Brunatrygging greiðir bætur vegna: | Brunatrygging bætir ekki: |
Bruna, eldingar eða sprengingar. | Tjón ef hlutur sviðnar, ofhitnar eða bráðnar. |
Skemmda af völdum loftfars eða hluta sem falla úr loftfari. | Tjón sá hlutum sem falla undir lögboðna brunatryggingu húseignar. |
Tjóns sem stafar af slökkvistarfi. | Rekstrartap eða annað óbeint tjón. |
| Vatnstjóns- og foktrygging greiðir bætur vegna: | Vatnstjóns- og foktrygging greiðir bætur vegna: |
Skyndilegs og óvænts vatnsrennslis úr vatns-, hita- og skólplögnum. | Tjóns sem orsakast af langvarandi raka, leka og smiti. |
Skemmda af völdum jarðvegsvatns sem flæðir inn af völdum skýfalls- og asahláku. | Skemmda af völdum vatns frá svölum eða þakrennum. |
Skemmda af völdum olíu eða kælivökva sem streymir skyndilega og óvænt úr olíugeymi eða kælikerfi. | Tjóns á vörum sem geymdar eru í kjallara nema að þær hvíli á a.m.k. 10 cm. háum undirstöðum sem drekka ekki í sig raka. |
Foktjóns af völdum óveðurs. | Foktjón sem verður ef vindhraði er undir 28,5 metrum á sekúndu. |
| Innbrotstrygging greiðir bætur vegna: | Innbrotstrygging bætir ekki: |
Þjófnaðar og skemmda á lausafé í kjölfar innbrots. | Tjón á lausafé sem geymt er utandyra. |
Þjófnaðar eða skemmda þegar munir eru teknir við rán eða ránstilraun. | Tjón á gleri fasteignar eða póstkössum. |
Eru einhverjar takmarkanir á því sem tryggingin nær yfir?
Tryggingin bætir ekki tjón af völdum náttúruhamfara eða tjóns sem orsakast af stríði, hryðjuverkum, mengun eða álíka atburðum.
Hvar gildir tryggingin?
Tryggingin gildir á þeim stað sem tilgreindur er í vátryggingarskírteini.
Hvaða skyldur hef ég?
Þú þarft að tilkynna tjón eins fljótt og kostur er og ekki síðar en innan árs frá tjónsdegi.
Þú þarft að sjá til þess að allar upplýsingar á vátryggingarskírteininu séu réttar.
Þú þarft að tilkynna okkur um breytingar á heimilisfangi, símanúmeri og netfangi.
Þér er skylt að fara eftir varúðarreglum í skilmálum, t.d. um að dyr, gluggar og önnur op inn á vátryggingar stað séu tryggilega læst og lyklar geymdir þannig að óviðkomandi hafi ekki aðgang að þeim.
Hvenær og hvernig greiði ég iðgjaldið?
Iðgjaldið á að greiða á gjalddaga. Við útgáfu eða endurnýjun tryggingarinnar stofnast rafræn krafa í netbanka. Þú átt kost á að dreifa greiðslum iðgjaldsins með:
Boðgreiðslu, þar sem iðgjaldið er skuldfært mánaðarlega af kredit- eða debetkorti.
Beingreiðslu, þar sem skuldfært er mánaðarlega af bankareikningi.
Fyrirtækjadreifingu, þar sem hægt er að greiða iðgjöld með mánaðarlegum greiðslum
Hvenær tekur tryggingin gildi og hvenær lýkur henni?
Tryggingin tekur gildi frá samþykkt tilboðs og endurnýjast árlega þar til henni er sagt upp.
Hvernig segi ég tryggingunni upp?
Einstaklingar og fyrirtæki með færri en fimm stöðugildi geta sagt tryggingum upp hvenær sem er og falla þær þá niður í lok þarnæsta mánaðar frá því uppsögnin berst. Önnur fyrirtæki geta sagt tryggingum upp með mánaðarfyrirvara fyrir lok tryggingatímabilsins.
Uppsögn þarf að vera skrifleg, t.d. með rafrænni undirskrift.