Aukakostnaðartrygging vegna rafeindatækja
Tryggingin er seld samhliða rafeindatækjatryggingu og þarf tjón að vera bótaskylt samkvæmt skilmálum hennar, ef svo er þá er aukakostnaður sem fyrirtækið þarf að leggja í greiddur.
Áður en tryggingin er gefin út þarf tryggingartaki í samvinnu við Sjóvá að áætla þann aukakostnað sem getur fallið til komi til tjóns.
Upplýsingar um trygginguna
Hvers konar trygging er þetta?
Aukakostnaðartrygging vegna rafeindatækja greiðir óhjákvæmilegan aukakostnað sem fellur til í kjölfar bótaskylds tjóns úr rafeindatækjatryggingu.
Hvað er tryggt? | Hvað er ekki tryggt? |
|---|---|
| Tryggingin bætir: | Tryggingin bætir ekki: |
Tjón sem verður vegna of mikils álags á tæki eða að þau séu ekki notuð eins og ætlast er til eða gerð þeirra leyfir. | |
| Kostnað sem fellur til vegna aðkeyptrar þjónustu eða aukinna launagreiðslna í kjölfar rekstrarstöðvunar vegna bilana í rafeindatækjum. |
Eru einhverjar takmarkanir á því sem tryggingin nær yfir?
Tryggingin bætir ekki tjón sem verður vegna ónógrar gæslu eða viðhalds, ef það er rakið til sakar starfsfólks í ábyrgðarstöðu hjá vátryggðum.
Hvar gildir tryggingin?
Aukakostnaðartrygging gildir á þeim vátryggingarstað sem tilgreindur er á skírteini.
Hvaða skyldur hef ég?
Þú þarft að tilkynna tjón eins fljótt og kostur er og ekki síðar en innan árs frá tjónsdegi.
Þú þarft að sjá til þess að allar upplýsingar á vátryggingarskírteininu séu réttar.
Þú þarft að tilkynna okkur um breytingar á heimilisfangi, símanúmeri og netfangi.
Þér er skylt að fara eftir varúðarreglum í skilmálum, t.d. þeirri að tölvubúnaði sé haldið í góðu lagi og leiðbeiningum og notkunarreglum frá seljanda.
Hvenær og hvernig greiði ég iðgjaldið?
Iðgjaldið á að greiða á gjalddaga. Við útgáfu eða endurnýjun tryggingarinnar stofnast rafræn krafa í netbanka. Þú átt kost á að dreifa greiðslum iðgjaldsins með:
Boðgreiðslu, þar sem iðgjaldið er skuldfært mánaðarlega af kredit- eða debetkorti.
Beingreiðslu, þar sem skuldfært er mánaðarlega af bankareikningi.
Fyrirtækjadreifingu, þar sem hægt er að greiða iðgjöld með mánaðarlegum greiðslum.
Hvenær tekur tryggingin gildi og hvenær lýkur henni?
Tryggingin tekur gildi frá samþykkt tilboðs og endurnýjast árlega þar til henni er sagt upp.
Hvernig segi ég tryggingunni upp?
Einstaklingar og fyrirtæki með færri en fimm stöðugildi geta sagt tryggingum upp hvenær sem er og falla þær þá niður í lok þarnæsta mánaðar frá því uppsögnin berst. Önnur fyrirtæki geta sagt tryggingum upp með mánaðarfyrirvara fyrir lok tryggingatímabilsins.
Uppsögn þarf að vera skrifleg, t.d. með rafrænni undirskrift.