Víðtæk eignatrygging
Víðtæk eignatrygging bætir tjón á lausafé vegna skyndilegra og ófyrirsjáanlegra utanaðkomandi atvika, hvort sem um er að ræða tækjabúnað, vélar eða önnur verðmæti.
Upplýsingar um trygginguna
Hvers konar trygging er þetta?
Víðtæk eignatrygging bætir tjón á lausafé, t.d. viðkvæmum tækjabúnaði vegna skyndilegs og ófyrirsjáanlegs utanaðkomandi atviks.
Hvað er tryggt? | Hvað er ekki tryggt? |
|---|---|
| Tryggingin greiðir bætur vegna: | Tryggingin bætir ekki: |
Tjóna af völdum skyndilegra, utanaðkomandi orsaka. | Slit sem leiðir af eðlilegri notkun. |
Þjófnað sem telst ekki vera innbrot. |
Eru einhverjar takmarkanir á því sem tryggingin nær yfir?
Tryggingin bætir ekki nein afleidd tjón.
Hvar gildir tryggingin?
Tryggingin gildir hvar sem er í heiminum.
Hvaða skyldur hef ég?
Þú þarft að tilkynna tjón eins fljótt og kostur er og ekki síðar en innan árs frá tjónsdegi.
Þú þarft að sjá til þess að allar upplýsingar á vátryggingarskírteininu séu réttar.
Þú þarft að tilkynna okkur um breytingar á heimilisfangi, símanúmeri og netfangi.
Þú þarft að fara eftir varúðarreglum í skilmálum, t.d. þeirri að fara þurfi eftir leiðbeiningum framleiðanda um meðferð og umhirðu.
Hvenær og hvernig greiði ég iðgjaldið?
Iðgjaldið á að greiða á gjalddaga. Við útgáfu eða endurnýjun tryggingarinnar stofnast rafræn krafa í netbanka. Þú átt kost á að dreifa greiðslum iðgjaldsins með:
Boðgreiðslu, þar sem iðgjaldið er skuldfært mánaðarlega af kredit- eða debetkorti.
Beingreiðslu, þar sem skuldfært er mánaðarlega af bankareikningi.
Fyrirtækjadreifingu, þar sem hægt er að greiða iðgjöld með mánaðarlegum greiðslum.
Hvenær tekur tryggingin gildi og hvenær lýkur henni?
Tryggingin tekur gildi frá samþykkt tilboðs og endurnýjast árlega þar til henni er sagt upp.
Hvernig segi ég tryggingunni upp?
Einstaklingar og fyrirtæki með færri en fimm stöðugildi geta sagt tryggingum upp hvenær sem er og falla þær þá niður í lok þarnæsta mánaðar frá því uppsögnin berst. Önnur fyrirtæki geta sagt tryggingum upp með mánaðarfyrirvara fyrir lok tryggingatímabilsins.
Uppsögn þarf að vera skrifleg, t.d. með rafrænni undirskrift.