Glertrygging
Glertryggingin greiðir brot á venjulegu sléttu rúðugleri í húseign eftir að því hefur endanlega verið komið fyrir. Hægt er að tryggja sérstaklega litað, skreytt, sérslípað, bogið og sandblásið gler.
Einnig er hægt að tryggja sérstaklega gler- og plastskilti, glermerkingar og ljósabúnað.
Upplýsingar um trygginguna
Hvers konar trygging er þetta?
Glertrygging er fyrir rúðugler sem komið hefur verið fyrir á endanlegan stað.
Hvað er tryggt? | Hvað er ekki tryggt? |
|---|---|
| Tryggingin greiðir bætur vegna: | Tryggingin greiðir ekki bætur vegna: |
Brots á rúðum í gluggum. | Tjóns sem verður vegna þenslu, vindings eða ófullkomins viðhalds ramma og lista. |
Kostnaðar vegna óhjákvæmilegrar uppsetningar bráðabirgðahlera. | Tjóns þegar flísast úr gleri eða það rispast. |
Tjóns á skiltum og ljósabúnaði úr gleri og plasti sem hafa verið tryggð sérstaklega. | Tjóns vegna óþéttra samskeyta á tvö- eða þreföldu gleri. |
Eru einhverjar takmarkanir á því sem tryggingin nær yfir?
Tryggingin bætir ekki tjón á gleri sem er litað, skreytt, sérslípað, bogið, sandblásið og þess háttar eða aukakostnað vegna álíminga á gler nema það hafi verið tryggt sérstaklega.
Hvar gildir tryggingin?
Tryggingin gildir á þeim stað sem er tilgreindur í vátryggingarskírteini.
Hvaða skyldur hef ég?
Þú þarft að tilkynna tjón eins fljótt og kostur er og ekki síðar en innan árs frá tjónsdegi.
Þú þarft að sjá til þess að allar upplýsingar á vátryggingarskírteininu séu réttar.
Þú þarft að tilkynna okkur um breytingar á heimilisfangi, símanúmeri og netfangi.
Þér ber að fara eftir varúðarreglum í skilmálum.
Hvenær og hvernig greiði ég iðgjaldið?
Iðgjaldið á að greiða á gjalddaga. Við útgáfu eða endurnýjun tryggingarinnar stofnast rafræn krafa í netbanka. Þú átt kost á að dreifa greiðslum iðgjaldsins með eftirfarandi hætti:
Boðgreiðslu, þar sem iðgjaldið er skuldfært mánaðarlega af kredit- eða debetkorti.
Beingreiðslu, þar sem skuldfært er mánaðarlega af bankareikningi.
Fyrirtækjadreifingu, þar sem hægt er að greiða iðgjöld með mánaðarlegum greiðslum.
Hvenær tekur tryggingin gildi og hvenær lýkur henni?
Tryggingin tekur gildi frá samþykkt tilboðs og endurnýjast árlega þar til henni er sagt upp.
Hvernig segi ég tryggingunni upp?
Einstaklingar og fyrirtæki með færri en fimm stöðugildi geta sagt tryggingum upp hvenær sem er og falla þær þá niður í lok þarnæsta mánaðar frá því uppsögnin berst. Önnur fyrirtæki geta sagt tryggingum upp með mánaðarfyrirvara fyrir lok tryggingatímabilsins.
Uppsögn þarf að vera skrifleg, t.d. með rafrænni undirskrift.