Áhafnatrygging
Upplýsingar um trygginguna
Hvers konar trygging er þetta?
Áhafnatrygging er hóptrygging fyrir útgerð og áhöfn skipa og smábáta, sem er samsett úr fjórum tryggingum; slysatryggingu, ábyrgðartryggingu útgerðarmanns, farangurstryggingu og líftryggingu.
Hvað er tryggt? | Hvað er ekki tryggt? |
|---|---|
| Slysatrygging greiðir bætur: | Slysatrygging greiðir ekki bætur vegna: |
Vegna slyss sem sjómaður verður fyrir við störf um borð í skipinu eða við vinnu í beinum tengslum við rekstur þess. | Slysa sem sjómaður verður fyrir í frítíma sínum. |
| Ábyrgðartrygging útgerðarmanns greiðir bætur: | Ábyrgðartrygging útgerðarmanns bætir ekki: |
Vegna skaðabótaábyrgðar utan samninga sem fellur á útgerðarmann samkvæmt íslenskum réttarreglum. | Afleiðingar slysa sem verða við út- eða uppskipun þegar aðrir en áhöfn vinna verkið. |
| Farangurstrygging greiðir bætur: | Farangurstrygging greiðir ekki bætur vegna: |
Vegna tjóns á persónulegum eigum skipverja sem útgerðarmanni ber að bæta samkvæmt sjómannalögum. | Tjóna á eigum skipverja af öðrum orsökum en sjóslysum eða bruna. |
| Líftrygging greiðir bætur: | Líftrygging greiðir ekki bætur vegna: |
Vegna andláts sjómanns af völdum veikinda. | Andláta af slysförum, þau fást bætt úr slysatryggingu. |
Eru einhverjar takmarkanir á því sem tryggingin nær yfir?
Tryggingin fellur úr gildi ef skip er selt eða leigt, nema um annað sé samið sérstaklega.
Hvar gildir tryggingin?
Tryggingin gildir hvar sem er í heiminum.
Hvaða skyldur hef ég?
Þú þarft að tilkynna tjón eins fljótt og kostur er og ekki síðar en innan árs frá tjónsdegi.
Þú þarft að sjá til þess að allar upplýsingar á vátryggingarskírteininu séu réttar.
Þú þarft að tilkynna okkur um breytingar á heimilisfangi, símanúmeri og netfangi.
Þér ber að fara eftir varúðarreglum í skilmálum.
Hvenær og hvernig greiði ég iðgjaldið?
Iðgjaldið á að greiða á gjalddaga. Við útgáfu eða endurnýjun tryggingarinnar stofnast rafræn krafa í netbanka. Þú getur dreift greiðslum með:
Boðgreiðslu, þar sem iðgjaldið er skuldfært mánaðarlega af kredit- eða debetkorti.
Beingreiðslu, þar sem skuldfært er mánaðarlega af bankareikningi.
Fyrirtækjadreifingu, þar sem hægt er að greiða iðgjöld með mánaðarlegum greiðslum.
Hvenær tekur tryggingin gildi og hvenær lýkur henni?
Tryggingin tekur gildi frá samþykkt tilboðs og endurnýjast árlega þar til henni er sagt upp.
Hvernig segi ég tryggingunni upp?
Einstaklingar og fyrirtæki með færri en fimm stöðugildi geta sagt tryggingum upp hvenær sem er og falla þær þá niður í lok þarnæsta mánaðar frá því uppsögnin berst. Önnur fyrirtæki geta sagt tryggingum upp með mánaðarfyrirvara fyrir lok tryggingatímabilsins.
Uppsögn þarf að vera skrifleg, t.d. með rafrænni undirskrift.