Á meðan bíllinn er á verkstæði

• Þú hefur samband við okkur að viðgerð lokinni og færð heildarupphæðina greidda inn á bankareikninginn þinn.
• Miðað er við eðlilegan fjölda viðgerðardaga. Bætur reiknast þannig til dæmis ekki vegna tafa á afhendingu varahluta.

Þegar við höfum staðfest að tjónið sé bótaskylt þá hefurðu samband við okkur og við sendum beiðni til bílaleigunnar, eða þú hefur samband við hana beint.Við erum í samstarfi við margar bílaleigur sem við mælum sérstaklega með. Sjá listann okkar yfir bílaleigur.Gott að hafa í huga:

• Aðeins er hægt að fá bílaleigubíl á Íslandi.
• Miðað er við bílaleigubíl í A flokki (smábíl).
• Hámarksakstur bílaleigubíls eru 100 km á dag.
• Kynntu þér skilmála bílaleigunnar um eigin áhættu leigutaka.
• Leigutaki þarf að vera orðinn tvítugur.
• Leigutaki þarf að framvísa kreditkorti hjá bílaleigunni.

Ef ökutækið er óökuhæft reiknast réttur til greiðslu eða bílaleigubíls frá tjónsdegi og þar til viðgerð er lokið.

Ef þú ert með kaskótryggingu og ert í vildarþjónustunni Stofni áttu rétt á greiðslu eða bílaleigubíl meðan ökutæki er í viðgerð (að hámarki í 7 daga), þó að þú hafir ekki verið í rétti og tjónið sé því ekki bótaskylt. Á Mitt Sjóvá getur þú séð hvernig tryggingu þú ert með og hvort þú ert í Stofni.