Sumarhús

• Kynntu þér vel hvar á að skrúfa fyrir heitt og kalt vatn.
• Merktu kranana með Heitt vatn og Kalt vatn merkjum. Þú getur pantað slík merki hjá okkur hér.
• Tryggðu að gott aðgengi sé að krönunum. Þá er auðveldara að bregðat hratt við ef eitthvað gerist.
• Sýndu fjölskyldumeðlimum og öðrum sem dvelja í bústaðnum hvar kranarnir eru og hvernig á að skrúfa fyrir þá.

Heita­vatnsleki er yfirleitt mun skað­legri en leki á köldu vatni, þó bæði geti valdið miklu tjóni.

Besta forvörnin gegn leka á heitu vatni er að loka alltaf fyr­ir neyslu­vatns­að­streymi þeg­ar hús­in eru yf­ir­gef­in. Það kem­ur í veg fyr­ir að vatn flæði óhindr­að í mann­lausu húsi, jafn­vel þótt bil­un eða frost nái að valda skemmd­um á lagna­kerf­inu.

Við mælum líka með að þú tappir af vatnslögnum og salerni, ef ekki er sérstakt tæmingarlok til staðar.

Það skiptir miklu máli að skoða vel aðstæður í bústaðnum eftir mikla frostakafla, sértaklega af bústaðurinn er í lítilli notkun yfir vetrartímann.

Þegar vatn nær að frjósa í lögnum geta orðið svokallaðar frostsprungur á þeim vegna þenslu, sem valdið geta leka þegar aftur fer að hlýna. Ef rafmagn eða hitaveita hefur farið af getur líka auðveldlega frosið í lögnum.

Með góðu eftirliti er hægt að koma í veg fyrir stór vatnstjón þó að lagnir hafi sprungið.

Það eru nokkur atriði sem geta bent til þess að vatn sé að leka og þú þarft því að vera sérstaklega vakandi fyrir:

• Málning á veggjum bólgnar eða aðrar útlitsbreytingar á veggfleti.
• Gólf verður bólgið eða sigið eða aðar sýnilegar skemmdir á því.
• Fúkkalykt eða önnur ólykt, getur gefið til kynna leka eða rakamyndun.
• Ofnar virka ekki eins og vanalega eða ryð og kalkútfellingar eru á samskeytum.

• Skrúfaðu strax fyrir vatnsinntak.
• Farðu varlega af vatnið er heitt. Hringdu í 112 ef fólk er í hættu
• Hafðu strax samband við okkur til að hægt sé mögulega að draga úr tjóninu og til að tilkynna það.
  
  Þú get­ur náð í okk­ur all­an sól­ar­hring­inn ef þú lend­ir í tjóni. Utan opn­un­ar­tíma nærðu í okk­ur í síma.

Reykskynjarar eru ekki síður mikilvægir í sumarhúsum en á heimilinu. Við mælum með að settir séu upp reykskynjarar í öllum herbergjum sumarhússins, enda oftar en ekki verið að hlaða raftæki um allt hús, sem getur skapað eldhættu.

Best er að setja reyk­skynj­ar­a sem næst miðju lofts og ekki upp í kverk eða hæsta punkt ef loft­ið er V-laga. Mið­aðu við að hann sé a.m.k. 30 sm frá vegg.

Við mælum með að þú kannir að reykskynjarinn sé í lagi þegar þú kemur í bústaðinn, sér­stak­lega ef lang­ur tími líð­ur á milli þess að sum­ar­hús­ið er not­að.

• Slökkvitæki til heimilisnota henta á mismunandi tegundir elds.

• Duftslökkvitæki: eru öflug og áhrifarík á eld í föstum efni (s.s. húsgögnum og innréttingum), olíu og gasi og henta því mjög vel á heimilum og í bílinn.
• Léttvatnstæki: Eru líka góð slökkvitæki en hentar alls ekki á gas.

• Slökkvitæki á að festa á vegg með tilheyrandi búnaði þannig að þægilegt sé að taka það af veggnum. Setja skal tækin upp við flóttaleið og sem næst útgöngum. Þau eiga að vera sýnileg svo allir viit hvar þau eru.
• Yfirfara þarf slökkvitæki að minnsta kosti árlega en upplýsingar um viðhald og endurnýjun eiga að vera á tækinu sjálfu.

• Töluverð eldhætta fylgir notkun á olíu og feiti í eldhúsum. Því er mikilvægt að hafa eldvarnateppi þar.
• Eldvarnarteppi á að setja upp á sýnilegum og aðgengilegum stað í eldhúsi. Þó ekki svo nálægt eldavél að erfitt verði að ná til þess ef eldur kemur upp.
• Ef eldur kemur upp:

• Skvettið alls ekki vatni á eldinn, það veldur sprengingu. Ekki reyna að fara út með logandi pott/pönnu.
• Leggið eldvarnateppi eða pottlok yfir logandi pott/pönnu og þéttið þar til eldurinn hefur slokknað. Verjið hendur gegn hitanum eins og hægt er.
• Slökkvið undir hellunni ef þið getið.

Þar sem svefn­loft er þarf að vera ör­uggt að all­ir kom­ist út af efri hæð húss­ins ef upp kem­ur eld­ur. Til eru ýms­ar gerð­ir af stig­um bæði keðju­stig­ar og svo kaðla­stig­ar. Mestu máli skipt­ir að all­ir viti hvar neyð­ar­út­gang­ar eru og kunni að nota bún­að­inn.

Alls­stað­ar þar sem gas er inn­an­dyra þurfa að vera gasskynj­ar­ar. Stað­setn­ing gasskynj­ara á að vera sem næst gólfi t.d. á sökk­ul inn­rétt­inga.