Forvarnir í skíða- og skíðagönguíþróttum eru nauðsynlegar til að stuðla að öryggi og vellíðan iðkenda. Hér á eftir fara nokkur mikilvæg atriði sem gott er að hafa í huga.
Öryggisbúnaður
Notið alltaf skíðahjálm til að vernda höfuðið
Gott er að klæða sig í lög af fötum sem anda vel og halda hita og nota vatnshelda jakkar og buxur til að halda sér þurrum
Notið skíðagleraugu til að vernda augun gegn snjóblindu og veðri
Skíðatækni
Rétt líkamsstaða er mikilvæg á skíðum og því er gagnlegt að læra og æfa rétta tækni til að forðast meiðsli
Æfingin skapar meistarann og gott er að fara á skíðanámskeið til að fá leiðsögn, sér í lagi ef þú ert byrjandi eða vilt bæta tæknina
Umhverfisþættir
Athugið veður- og snjóskilyrði áður en farið er af stað og forðist að skíða í slæmu veðri eða við hættuleg skilyrði
Veljið leiðir sem henta hæfni og reynslu, hvort sem um er að ræða skíði eða skíðagöngu
Ef þú ferð á svæði þar sem snjóflóð er möguleiki, skal hafa meðferðis snjóflóðabúnað eins og staðsetningartæki, skóflu og stöng
Heilsuvernd
Gott er að hita upp í upphafi dags með léttum æfingum til að forðast meiðsli
Drekkið nægan vökva til að halda líkamanum vel nærðum, jafnvel í köldu veðri og gott getur verið að hafa með sér nesti á lengri ferðum
Gefið líkamanum tíma til að hvílast, sérstaklega eftir langan dag á fjöllum, endurheimt er mikilvæg
Almennar öryggisráðstafanir
Fylgið öllum öryggisreglum á skíðasvæðinu, þar með talið merkingum og leiðbeiningum frá starfsfólki
Látið einhvern vita af ferðum ykkar, til dæmis ef þið ætlið í lengri skíðagöngu eða utan alfaraleiðar