Minniháttar veikindi geta til dæmis verið kvef, hiti eða umgangspestir sem leita þarf læknisaðstoðar vegna. Minniháttar slys geta til dæmis verið minni skurðir sem sauma þarf á sjúkrastofnun.

Neyðartilvik eru alvarleg veikindi og slys sem krefjast innlagnar eða rannsókna á sjúkrastofnun. Þegar slíkt kemur upp skaltu leita til SOS International.

Ef þú þarft að leita til læknis vegna minniháttar veikinda eða slysa erlendis er einfaldast að greiða fyrir þjónustuna en halda vel utan um allar greiðslukvittanir vegna útlagðs læknis-, lyfja og sjúkrakostnaðar.

Á þjónustuvef SOS International getur þú fundið upplýsingar um hvaða sjúkrastofnun er næst staðsetningu þinni, hvar sem þú ert í heiminum.

Eftir ferðalagið tilkynnir þú tjónið hér á vef okkar með því að smella á Tilkynna tjón. Við þurfum að fá frumrit greiðslukvittana, vottorða, skýrslur og ferðagögn (farmiða/bókanir) til að geta tekið málið til afgreiðslu.

Athugaðu að eigin áhætta getur verið í ferðasjúkratryggingum.

Evrópska sjúkratryggingakortið veitir þér rétt á heilbrigðisþjónustu í öðrum EES löndum, Bretlandi og Sviss. Með því að sýna það borgar korthafi sama gjald fyrir opinbera heilbrigðisþjónustu og þeir sem eru tryggðir í almannatryggingakerfi viðkomandi lands.

Þeir sem ferðast um Evrópu ættu alltaf að hafa evrópska sjúkratryggingakortið með sér, bæði fyrir sig og alla fjölskyldumeðlimina sem eru með í ferðinni.

Sjá nánar um evrópska sjúkratryggingakortið

Nei það er ekki sami hluturinn.

Evrópska sjúkratryggingarkortið veitir þér rétt til heilbrigðisþjónustu í öðrum EES löndum, Bretlandi og Sviss. Þá greiðir þú sama gjald fyrir heilbrigðisþjónustuna og þeir sem eru tryggðir í almannatryggingakerfi viðkomandi lands.

Þú sækir um evrópska sjúkratryggingakortið á vef Sjúkratrygginga á island.is.

Það sem stundum er kallað SOS kort er hins vegar staðfesting á því að þú sért með ferðatryggingu, til dæmis í gegnum Ferðavernd Fjölskylduverndar eða kreditkort.

Ef þú ert með Ferðavernd getur þú sótt staðfestingu á því á Mitt Sjóvá.

Sækja staðfestingu á Ferðavernd

Ef þú ert með ferðatryggingar í gegnum kreditkort geturðu sótt staðfestingu í gegnum þann sem sér um þá þjónustu fyrir bankann þinn.

Sjá upplýsingar á vef Íslandsbanka

Sjá upplýsingar á vef Arion

Sjá upplýsingar á vef Landsbankans