Fjölskylduvernd 2

Fjölskylduvernd 2 er okkar vinsælasta heimilis- og fjölskyldutrygging. Í henni er innifalin slysatrygging í frítíma, tryggingar sem bæta algengustu innbústjón auk fleiri trygginga.

Á heimilum okkar er oft að finna meiri verðmæti en okkur grunar. Flestir þurfa einhverja tryggingu ef þeir verða fyrir því að innbú brennur eða brotist er inn. Einnig er mjög skynsamlegt að vera slysatryggður í frítíma og fyrir þá sem ferðast er gott að eiga val um að bæta við ferðatryggingu.

Vátryggðir eru vátryggingartaki, maki og ógift börn þeirra. Þeir sem falla undir trygginguna verða að hafa sameiginlegt lögheimili á Íslandi, búa á sama stað og hafa sameiginlegt heimilishald.

Með Fjölskylduvernd 2 höfum við sett saman góða tryggingu sem tekur á því helsta sem fjölskyldur þurfa að tryggja innbúið sitt fyrir. Auk innbúsins nær tryggingin til slyss í frítíma og fleiri þátta.

Innifalið í Fjölskylduvernd 2

Fjölskylduvernd 2 er trygging sem sett er saman úr mörgum tryggingum. Saman mynda þær heildstæða fjárhagslega vernd fyrir innbúið og þá sem þar búa.

Innbústrygging

Greiðir bætur vegna tjóns á innbúi. Til einföldunar má segja að til innbús teljist þeir hlutir heimilsins sem þú flytur með þér þegar þú skiptir um íbúðarhúsnæði eins húsgögn og fatnaður en ekki það sem skilið er eftir eins og gólfefni og innréttingar.

Tryggingin bætir:

Tjón á innbúi ef það skemmist vegna bruna til dæmis ef húsgögn skemmast í bruna á húseign.
Tjón á innbúi sem stolið er við innbrot til dæmis ef skartgripum, tölvum eða sjónvörpum er stolið
Tjón ef læstu hjóli er stolið
Tjón á innbúi ef það skemmist af völdum vatns sem streymir úr leiðslum hússins til dæmis ef sófasett skemmist vegna leka frá lögnum.
Tjón á innbúi af völdum óveðurs til dæmis ef þakplötur fjúka af húsinu og húsgögn skemmast vegna úrkomu sem kemur inn í húsið vegna þess

Tryggingin bætir ekki:

Tjón vegna bruna á því sem tilheyrir sjálfri fasteigninni það er til dæmis tjón á gólfefnum, innréttingum og hurðum
Tjón á innbúi sem tekið er úr íbúð sem skilin hefur verið eftir ólæst og mannlaus
Tjón á hlutum sem stolið er á skemmtistöðum til dæmis síma sem skilinn er eftir á borði meðan farið er á barinn.
Tjón á hlutum sem stolið er úr ólæstum bílum til dæmis barnabílstóll tekin
Tjón á innbúi af völdum utanaðkomandi vatns til dæmis ef vatn kemur inn um sprungur á veggjum eða lekur inn með glugga

Innbúskaskótrygging

Veitir víðtækari vernd á hluti sem tilheyrir innbúi en innbústryggingin gerir. Tryggingin nær til þeirra hluta sem falla undir innbústrygginguna hvort sem það eru símar, tölvu eða húsgögn svo dæmi séu tekin.

Tryggingin bætir:

Algengustu tjón sem við bætum úr innbúskaskó eru tjón á farsímum og tölvum til dæmis þegar þessir hlutir brotna.

Tryggingin bætir ekki:

Framleiðslugalla
Reiðufé
Útlitsgalla

Ábyrgðartrygging

Ábyrgðartrygging greiðir tjón þar sem þeir sem falla undir tryggingu eru gerðir ábyrgir fyrir samkvæmt skaðabótalögum.

Frítímaslysatrygging

Frítímaslysatrygging bætir tjón vegna slysa í frístundum, við heimilisstörf, nám og almenna íþróttaiðkun. Hún nær einnig til keppni í íþróttum þar sem almenningi gefst kostur á þátttöku án kröfu um lágmarksgetu og færni.

Tryggingin bætir:

Dánarbætur vegna slyss í frítíma
Örorkubætur vegna slyss í frítíma
Dagpeninga vegna slyss í frítíma
Tannbrot vegna slyss í frítíma
Sjúkrakostnað vegna frítímaslyss (hámarksbætur, sjá nánar á skírteini)

Tryggingin bætir ekki:

Slys sem verða í vinnu og á beinni leið á milli heimilis og vinnu
Slys sem verða í keppnisíþróttum sem æfðar eru reglulega undir leiðsögn þjálfara á vegum íþróttafélaga og krafist er sérstakrar getu eða færni
Slys sem verða í akstursíþróttum

Trygging fyrir sjúkrahúslegu

Tryggingin greiðir bætur ef þeir sem eru tryggðir þurfa að dvelja á sjúkrahúsi

Tryggingin bætir:

Tjón ef þeir sem falla undir trygginguna dveljast á sjúkrahúsi meira en 5 daga samfellt vegna sjúkdóms eða slyss.

Tryggingin bætir ekki:

Tjón ef þeir sem falla undir trygginguna liggja á sjúkrahúsi vegna meðfæddra sjúkdóma
Tjón ef þeir sem falla undir trygginguna liggja á sjúkrahúsi vegna geðsjúkdóma

Greiðslukortatrygging

Tryggingin greiðir tjón sem verður ef kreditkort tapast

Tryggingin bætir:

Tjón sem verður ef kreditkort tapast það er misnotað með sviksamlegum hætti af óviðkomandi aðila

Tryggingin bætir ekki:

Tjón sem verða þegar ekki er farið að reglum kortafyrirtækisins til dæmis ef PIN númer hefur verið geymt með kortinu

Réttaraðstoðartrygging

Tryggingin greiðir málskostnað vegna ágreinings í einkamálum

Tryggingin bætir:

Málskostnað sem fellur til vegna ágreinings um læknamistök
Málskostnað sem fellur til vegna erfðamála

Tryggingin bætir ekki:

Málskostnað vegna hjónaskilnaða, sambúðarslita eða vegna ágreinings um forræði eða umgengnisrétt við börn
Kostnað vegna mála sem varða tryggðan sem eiganda húseignar (er í fasteignatryggingu)

Þú getur bætt við Fjölskylduvernd 2

Þú getur keypt eftirfarandi viðbót við Fjölskylduverndina:

Ferðavernd

Tryggingin greiðir bætur ef til tjóns kemur vegna ferðalaga erlendis og er tryggingin svipuð og þeim tryggingum sem fylgja kreditkortum.

Tryggingin bætir:

Sjúkrakostnað sem fellur til erlendis vegna sjúkdóms eða slyss til dæmis kostnað við að fara til læknis eða á sjúkrahús
Tjón á farangri
Tjón vegna forfalla ef tryggður kemst ekki í ferð til dæmis vegna veikinda

Tryggingin bætir ekki:

Sjúkrahúsvist eða lækniskostnað vegna sjúkdóma eða slysa sem þeir sem tryggir eru hafa notið læknishjálpar við áður en farið var í ferð erlendis
Forföll ef tryggður einstaklingur kemst ekki í ferð vegna veikinda eða sjúkdóma sem hann var haldin áður en staðfestingargjald var greitt

Hvað hefur áhrif á iðgjaldið?

Iðgjald Fjölskylduverndar fer eftir því hve háa tryggingu þú kaupir á innbúið og hvort þú velur að bæta við Ferðavernd. Þú færð allar upplýsingar um iðgjaldið og upphæð eigin áhættu hjá ráðgjöfum okkar. Misjafnt er hvort eigin áhætta er í einstökum tryggingum, en upphæð eigin áhættu kemur fram í skírteininu þínu.

Viðskiptavinir í Stofni fá afslátt af iðgjaldi og tjónlausir og skilvísir viðskiptavinir fá einnig Stofnendurgreiðslu af iðgjaldi.

Fjölskylduvernd gildir fyrir innbúið þitt, en ef þú þarft að tryggja húsnæðið þarftu að skoða lögboðna brunatryggingu húseigna og fasteignatryggingu.

Skilmálar

Fjölskylduvernd 2

Upplýsingaskjal

Fjölskylduvernd 2 - upplýsingaskjal.pdf

Aðrar tryggingar

Fjölskylduvernd gildir fyrir innbúið þitt og fjölskyldu, en ef þú þarft að tryggja húsnæðið þarftu að skoða lögboðna brunatryggingu húseigna og fasteignatryggingu.

Brunatrygging

Brunatrygging er skyldutrygging sem bætir tjón á húseign vegna eldsvoða, eldingar, sprengingar, sótfalls úr kynditækjum eða eldstæðum, af völdum loftfars og tjón vegna slökkvi- og björgunarðgerða.

Sjá nánar

Fasteignatrygging

Með fasteignatryggingu höfum við sett saman nokkrar tryggingar fyrir húsaeigendur sem verndar þá fyrir öllum algengustu tjónum sem verða á íbúðarhúsnæði.

Sjá nánar

Tengt efni

Innbúsverðmæti

Algengt er að við gerum okkur ekki grein fyrir verðmæti innbús okkar fyrr en við förum yfir það herbergi fyrir herbergi. Það er mikilvægt að við áætlum verðmætið rétt svo fullar bætur fáist við tjón.

Sjá nánar

Vinsælar leitir

Fá tilboð í tryggingar

Tilkynna tjón

Hafðu samband

Gagnvirkar leiðir til að hafa samband

Mitt Sjóvá