Að ýmsu er að huga þegar óveður er í vændum og margt sem við getum gert til að fyrirbyggja tjón. Það skiptir máli að vera eins vel tryggður og kostur er fyrir tjónum sem geta orðið þegar veðurofsinn er mikill, t.d. á húseignum og bílum.
Það er einfalt að tilkynna tjón rafrænt. Þannig má bregðast skjótt við og afgreiðsla málsins getur hafist hratt og örugglega. Mikilvægt er að tilkynna tjón sem fyrst, sama hvers eðlis það er.
Fyrstu viðbrögð við tjóni skipta einnig miklu máli til að lágmarka skaðann. Þó þarf ávallt að gæta fyllsta öryggis. Ef þörf er á neyðaraðstoð skal hafa samband við 112.
Fok- og óveðurstrygging er innifalin í Fasteignatryggingu, Húseigendatryggingu, Sumarhúsatryggingu ásamt Brunatryggingu með fokáhættu.
Ef vindhraði fer yfir 28,5 m/sek og tjón verður á fasteign fæst tjónið bætt úr viðkomandi tryggingu. Á það t.d. við um tjón af völdum lausamuna sem brjóta rúður eða valda öðrum skemmdum á húseign.
Athugið að foktjón fæst aldrei bætt hjá Náttúruhamfaratryggingu Íslands, sama hversu vont veðrið verður.
Kaskótrygging bætir til dæmis tjón sem verður á bifreið sem stendur í bílastæði og verður fyrir skemmdum ef lausir munir fjúka á hann eða tré brotnar og skellur á hann.
Ef vindstyrkur mælist yfir 24,5 m/sek skal ekki nota bílinn, enda töluverð hætta á að hann verði fyrir tjóni við slíkar aðstæður.
Við búum á landi þar sem óveður gengur reglulega yfir og því mikilvægt að vera við öllu búin og huga vel að öryggi okkar og eignum. Algengustu tjónin í óveðri eru foktjón, þar sem lausamunir takast á loft og skemma t.d. ökutæki og mannvirki. Því skiptir miklu máli að ganga tryggilega frá öllum lausamunum þegar óveðri hefur verið spáð. Hér á eftir fara nokkur atriði sem gott er að huga að þegar von er á vonskuveðri:
Í mjög slæmu veðri geta ýmsir hlutir farið af stað eins og t.d. tré og þakplötur sem erfiðara er að fyrirbyggja. Fyrir vikið er mikilvægt að vera með rétta tryggingarvernd.
